Horoscope (Marathi)- August 2018

आत्मविश्वासपूर्वक केलेली कामे यशस्वी होतातच. कामानिमित्त घरापासून लांब जावे लागण्याची शक्यता आहे. आर्थिक पातळीवर घडणाऱ्या घडामोडींवर बारीक लक्ष हवे. मित्रपरिवारात वादविवाद टाळावेत.

लोभापायी कुठल्याही मोहात अडकू नका. तुमचे कर्तृत्व आणि जिद्द यांच्या जोरावर सरशी तुमचीच होईल. ग्रहमान अनुकूल आहे. कार्यक्षेत्रातील प्रगतीचा वेग चांगला असेल. आर्थिक पातळी उंचावेल.

‘तुमचे निर्णय तुम्हीच घ्या’ असे ह्या महिन्याचे तुम्हाला सांगणे आहे. नातेवाईकांच्या हस्तक्षेपाला वेळीच आवर घालणे तुमच्या हिताचे ठरेल. नोकरी-व्यवसाय क्षेत्रात कार्य मनाजोगते होईल. कोर्टकचेरीतील प्रकरणे तडजोडीने मिटवा.

बऱ्याच महिन्यांपासून अपेक्षित असलेली गोष्ट ह्या महिन्यात घडून येईल. आर्थिक प्राप्तीत वाढ होईल, मात्र वरिष्ठांशी वा तज्ज्ञांशी सल्लामसलत न करता निर्णय घेणे घातक ठरेल. विरोधकांवर मात करणे कठीण जाणार नाही.