Kalnirnay Monthly Horoscope Marathi Online | May 2021
Thursday, 23 September 2021 23-Sep-2021

Horoscope (Marathi)- May 2021

राशीभविष्य - मे २०२१

मेष

या महिन्यात संमिश्र स्वरूपाचे ग्रहमान आहे. कार्यक्षेत्रात आपले ठोकताळे नि अंदाज अचूक ठरतील. आर्थिक लाभ समाधानकारक असेल. आपली बाजू शांत चित्ताने मांडल्याने आपल्याविषयी झालेले गैरसमज दूर करता येतील. अति लाभाची गुंतवणूक टाळा.


वृषभ

‘ऐकीव बाबींवर तुम्ही तुमचे मत त्वरित व्यक्त करू नका. या महिन्यात तुमची आवक व खर्च यामध्ये बरीच तफावत असणार आहे. प्रवासात तब्येतीची अधिक काळजी घ्या. सहकाऱ्यांबरोबर होणारे मतभेद युक्तीने दूर करावे लागतील.


मिथुन

 नवीन दिशा आणि नवीन मार्ग यांचा चांगला अनुभव या महिन्यात तुम्हाला येणार आहे. पूर्वार्धात वरिष्ठांची अपेक्षित साथ मिळेल. कामे सुरळीत पार पडतील. उत्तरार्ध थोडा प्रतिकूल आहे. विरोधकांच्या कारवायांचे प्रमाण वाढणार आहे.


कर्क

या महिन्यात आवडत्या व्यक्तींचा सहवास लाभल्याने तुम्ही मनोमन सुखावून जाणार आहात. आर्थिक आवक चांगली असेल. विवाहेच्छुकांची शुभकार्ये होतील. कुटुंबातील एखाद्या अप्रिय घटनेचा – अपवाद वगळता महिना चांगला आहे.


सिंह

महिन्याच्या पूर्वार्धात प्रत्येक बाबीचे काटेकोरपणे नियोजन करावे लागणार आहे. समोरची व्यक्ती तुमच्या संयमी, शांत असण्याचा गैरफायदा तर घेत नाही ना, हे पाहा. उत्तरार्ध अनुकूल आहे. कार्यक्षेत्रात प्रगतीच्या संधी उपलब्ध होतील..


कन्या

नोकरी-व्यवसायात वरिष्ठांनी सोपविलेली जबाबदारी अथक परिश्रमाने पार पाडावी लागेल. वाद-विवादात वेळ वाया घालवू नका. कायद्याची चौकट पाळा. आपल्या खिशाचा अंदाज घेऊनच खर्च करा. महिलांच्या कौटुंबिक जबाबदाऱ्या वाढणार आहेत.


तूळ

कामातील सातत्य व ‘एकाग्रता हेच तुमच्या यशाचे गमक ठरणार आहे. तुम्ही दिलेला शब्द अंदाज अचूक पाळण्यात काही अडचणी संभवतात. कार्यक्षेत्रातील आपल्या अधिकाराच्या मर्यादा जाणून घ्या. प्रवासात प्रकृतीची काळजी घ्यावी लागेल. उष्णतेचे विकार जाणवतील.


वृश्चिक

महिन्याचा पूर्वार्ध तसा ‘तुमचे मत त्वरित व्यक्त करू अनुकूल आहे. आपली महत्त्वाची कामे मार्गी लावा. उत्तरार्धात आपल्या खर्च यामध्ये बरीच तफावत असणार निकटच्या व्यक्तींसोबत मतभेदाचे प्रसंग झालेच तर त्वरित मिटवा. आलेल्या अडचणींवर जिद्दीने मात करावी लागेल. आर्थिक ताळेबंदावर लक्ष आवश्यक.


धनु

कुणाला किती जवळ करायचे किंवा कुणाच्या किती जवळ जायचे हे जाणून वागण्याचा सध्याचा काळ आहे. पूर्वार्ध थोडा अस्थिर असला तरी उत्तरार्ध प्रगतीचा आहे. प्रयत्नांना यश मिळेल. मतभेदाचे रूपांतर भांडणात होऊ देऊ नका.


मकर

 या महिन्यात आर्थिक लाभाचे प्रमाण चांगले असेल. नियोजनानुसार कामकाजही पार पाडाल. श्रमाचा योग्य मोबदला मिळेल. उत्तम गृहसौख्य लाभेल. आर्थिक व्यवहार तज्ज्ञांच्या मार्गदर्शनाने करा. कार्यक्षेत्रातील सहकाऱ्यांना विश्वासात घेऊनच महत्त्वाचे निर्णय घ्या.


कुंभ

उत्साहवर्धक व आनंददायी कुंभ असा हा महिना आहे. आर्थिक व्यवहारात लाभाचे संकेत मिळतील. तुमची मौजमजेची इच्छा पूर्ण होईल. योग्य संधी आणि कार्यतत्परतेच्या जोरावर तुम्ही विरोधकांवर मात कराल. मानापमानाच्या प्रसंगांकडे दुर्लक्ष करा.


मीन

योग्य दिशेने व योग्य मार्गाने वाटचाल करून आपले ईप्सित साध्य करावे लागेल. विरोधकांना रोखण्यासाठी नवीन डावपेच आखावे लागतील. आपल्या कामात दिरंगाई करू नका. भागीदारी व्यवसायात चर्चेने प्रश्न सोडविण्याचा प्रयत्न करा.