Weekly Horoscope (Jan 26 – Feb 1)

रवि-मंगळ-बुध-शुक्र-प्लुटो पराक्रम, बुध-राहू चतुर्थ, शनि-नेपच्युन पंचम, हर्षल सप्तम, चंद्र-गुरू अष्टम, चंद्र नवम, चंद्र-केतु दशम, चंद्र लाभस्थानी असे ग्रहमान असतील. स्वत:च्या वागण्या बोलण्यातून चूकीचे संदेश जाणार नाहीत याची काळजी घ्यावी. आपले वेगळे अस्तित्व सिध्द करु शकाल. वरिष्ठांची नाराजी पत्करू नका. तुमच्या क्रांतिकारक विचारांना कृतीत आणा. स्वतःच्या कर्तृत्वावर ठाम विश्वास ठेवा. नकारात्मक विचारांना थारा देऊ नका. आपले कार्यक्रम ठरवून तुम्ही स्वत:ला व्यग्र ठेवण्याचा प्रयत्न करा. परिस्थितीपुढे माघार न घेता तुमचा दृष्टिकोन सकारात्मक ठेवलात तर मार्ग निघू शकेल.